MENAXHER FINANCE – NË PROJEKT KONCESIONAR PËR NDËRTIMIN E TERMINALIT PORTUAL – VLORË 22 views

Kompania “SALILLARI shpk”, Lider në sektorin e ndërtimit me më shumë se 30 vjet përvojë, përshtatet me karakteristikat e secilit projekt për të krijuar zgjidhje inxhinierike dhe inovative.
“SALILLARI shpk” aktivitetin e ndërtimit e ka në: Infrastrukturë, Ndërtime Civile, Ujsjellës, Shpim të naftës, Prodhimi i Materialeve Ndërtimore, Punime të tjera inxhinierike, Punime në port detar, Aeroport, Punime Industriale dhe Ndërtimore, Projektimi i Punimeve Civile dhe Industriale, etj..
Shërbimet tona shtrihen nga planifikimi dhe investimi fillestar, deri në fillimin dhe funksionimin.
“SALILLARI shpk” shpall pozicion të lirë pune MENAXHER FINANCE – NË PROJEKT KONCESIONAR PËR NDËRTIMIN E TERMINALIT PORTUAL – VLORË.

QËLLIMI I POZICIONIT:
Menaxheri i Financës është përgjegjës për planifikimin, monitorimin dhe kontrollin e të gjitha proceseve financiare të projektit koncesionar për ndërtimin dhe operimin e terminalit portual.
Ai siguron: monitorimin e investimeve kapitale, kontrollin e kostove të ndërtimit, planifikimin e flukseve monetare dhe raportimin financiar periodik te drejtimi i shoqërisë.
Gjithashtu, siguron që aktiviteti financiar i projektit të zhvillohet në përputhje me buxhetin e miratuar, kontratën e koncesionit, marrëveshjet e financimit, kontratat me kontraktorët dhe legjislacionin në fuqi.

DETYRAT KRYESORE:

Planifikimi dhe menaxhimi financiar i projektit

• Përgatit planin financiar të projektit për të gjithë periudhën e ndërtimit dhe, sipas nevojës, për fazën e operimit të terminalit.
• Harton buxhetin vjetor dhe parashikimet financiare periodike.
• Përgatit dhe përditëson parashikimet e flukseve monetare në përputhje me planin e investimeve dhe grafikun e punimeve.
• Vlerëson nevojat për financim dhe likuiditet gjatë fazave të ndryshme të projektit.
• Monitoron realizimin e buxhetit dhe analizon devijimet nga parashikimet.
• Përgatit analiza financiare dhe skenarë alternativë për mbështetjen e vendimmarrjes nga administratori.

Kontrolli i investimeve kapitale (CAPEX)

• Monitoron investimet kapitale për ndërtimin e terminalit portual, duke përfshirë punimet civile, infrastrukturën portuale, kalatat, sheshet e terminalit, magazinat, pajisjet dhe sistemet teknologjike, sipas objektit të projektit.
• Kontrollon përputhshmërinë e shpenzimeve të realizuara me buxhetin e miratuar dhe planin e investimeve.
• Analizon kostot faktike kundrejt kostove të parashikuara.
• Përgatit raporte periodike mbi realizimin financiar të investimeve.
• Identifikon tejkalimet e mundshme të kostove dhe propozon masa korrigjuese.
• Vlerëson ndikimin financiar të ndryshimeve në projekt, punimeve shtesë dhe kërkesave për ndryshime kontraktuale.
• Bashkëpunon me ekipin teknik për rakordimin e progresit fizik të punimeve me progresin financiar.
• Monitoron parashikimin e kostos përfundimtare të projektit dhe nevojat e mbetura për financim.

Menaxhimi financiar i kontratave të ndërtimit

• Monitoron aspektet financiare të kontratave me kontraktorët, nënkontraktorët, furnitorët dhe konsulentët.
• Verifikon dokumentacionin financiar të faturave dhe kërkesave për pagesë, në bashkëpunim me ekipin teknik dhe personat përgjegjës për certifikimin e punimeve.
• Kontrollon përputhshmërinë e pagesave me kushtet kontraktuale dhe procedurat e miratuara.
• Ndjek parapagimet, mbajtjet kontraktuale, garancitë bankare dhe pagesat e ndërmjetme, kur parashikohen në kontrata.
• Monitoron detyrimet e papaguara dhe afatet e pagesave ndaj kontraktorëve.
• Analizon ndikimin financiar të pretendimeve kontraktuale, ndryshimeve të preventivave dhe punimeve shtesë.
• Përgatit raporte mbi angazhimet financiare të marra dhe detyrimet e pritshme të projektit.

Menaxhimi i financimit dhe marrëdhëniet me bankat

• Monitoron strukturën e financimit të projektit, përfshirë kapitalin e aksionarëve dhe financimin nëpërmjet kredive, sipas marrëveshjeve përkatëse.
• Përgatit informacionin financiar të kërkuar nga bankat dhe institucionet financuese.
• Monitoron disbursimet, shlyerjet e kredive, interesat dhe komisionet financiare.
• Ndjek përmbushjen e detyrimeve dhe treguesve financiarë të përcaktuar në marrëveshjet e financimit.
• Përgatit parashikime mbi nevojat për kapital dhe financim shtesë.
• Bashkëpunon me administratorin dhe aksionarët për planifikimin e kontributeve në kapital dhe mbulimin e nevojave financiare të projektit.

Menaxhimi i flukseve monetare dhe likuiditetit

• Përgatit dhe përditëson parashikimet e arkëtimeve dhe pagesave.
• Siguron monitorimin e likuiditetit për përmbushjen në kohë të detyrimeve financiare.
• Planifikon nevojat për fonde në përputhje me grafikun e punimeve dhe afatet kontraktuale.
• Monitoron llogaritë bankare dhe rakordimet përkatëse.
• Propozon masa për optimizimin e përdorimit të fondeve dhe minimizimin e kostove të financimit.
• Informon në kohë administratorin për çdo rrezik që mund të ndikojë në likuiditetin e projektit.

Kontabiliteti dhe raportimi financiar

• Mbikëqyr regjistrimin e saktë dhe në kohë të transaksioneve financiare të projektit.
• Siguron klasifikimin e saktë të kostove sipas kategorive të investimit, kontratave dhe fazave të projektit.
• Monitoron trajtimin kontabël të kostove të projektit dhe kapitalizimin e aktiveve, sipas standardeve kontabël të zbatueshme.
• Përgatit pasqyrat financiare dhe raportet periodike për drejtimin e shoqërisë.
• Përgatit raporte mbi realizimin e buxhetit, investimet, detyrimet, likuiditetin dhe parashikimin e kostos përfundimtare.
• Koordinon përgatitjen e dokumentacionit për auditimet e brendshme dhe të jashtme.
• Siguron administrimin dhe ruajtjen e dokumentacionit financiar.

Detyrimet financiare të kontratës së koncesionit

• Monitoron detyrimet financiare që rrjedhin nga kontrata e koncesionit.
• Ndjek pagesat ndaj autoritetit kontraktor dhe detyrimet e tjera financiare, kur parashikohen në kontratë.
• Monitoron afatet dhe kushtet financiare të lidhura me investimin dhe zhvillimin e terminalit.
• Vlerëson ndikimin financiar të ndryshimeve të kontratës së koncesionit.
• Përgatit informacionin financiar që kërkohet nga autoriteti kontraktor, brenda detyrimeve të përcaktuara në kontratë.
• Bashkëpunon me departamentin juridik për analizimin e pasojave financiare të mosrealizimit ose ndryshimit të detyrimeve kontraktuale.

Menaxhimi i kostove dhe i risqeve financiare

• Identifikon dhe analizon risqet që lidhen me rritjen e kostove të ndërtimit, vonesat në realizimin e punimeve, ndryshimet e çmimeve dhe nevojat shtesë për financim.
• Kryen analiza të ndjeshmërisë mbi ndikimin e ndryshimeve të kostove dhe afateve në buxhetin e projektit.
• Monitoron ekspozimin ndaj risqeve të kursit të këmbimit dhe normave të interesit, kur janë të zbatueshme.
• Propozon masa për kontrollin e kostove dhe përmirësimin e eficiencës financiare.
• Informon administratorin për risqet financiare që mund të cenojnë realizimin e investimit sipas planit të miratuar.

Tatimet dhe përputhshmëria ligjore

• Siguron përmbushjen në kohë të detyrimeve tatimore dhe fiskale të shoqërisë.
• Mbikëqyr përgatitjen dhe dorëzimin e deklaratave tatimore dhe dokumentacionit përkatës.
• Monitoron trajtimin tatimor të faturave, investimeve dhe transaksioneve financiare.
• Bashkëpunon me këshilltarët tatimorë, auditorët dhe institucionet përkatëse.
• Siguron zbatimin e procedurave të kontrollit të brendshëm financiar dhe ndjek rekomandimet e auditimit.

KRITERET DHE AFTËSITË E KËRKUARA:

• Të ketë përfunduar studimet e larta në Fakultet Ekonomik, në degën Financë-Kontabilitet, Administrim Biznesi, Menaxhim Projektesh ose fushë të ngjashme.
• Të ketë njohuri të mira mbi programin financiar Navision ose një program të ngjashëm.
• Të zotërojë shumë mirë paketën Microsoft Office (niveli i avancuar është një avantazh).
• Të ketë mbi 10 vite përvojë pune, preferohet në industrinë e ndërtimit.
• Të ketë aftësi të mira për të punuar në grup.
• Të zotërojë gjuhën angleze në nivel shumë të mirë.

APLIKIMI:
Kandidatët e interesuar mund të dërgojnë C.V. e tyre në adresën e-mail: hr@salillari.al[/I][/B]?subject=Aplikoj%20per%20njoftimin%3A%20Tirane%2C%20ofrohen%20vende%20pune%20MENAXHER%20FINANCE%20%E2%80%93%20PROJEKT%20KONCESIONAR%20P%C3%8BR%20ND%C3%8BRTIMIN%20E%20TERMINALIT%20PORTUAL%20-%20VLOR%C3%8B&body=Pershendetje%20drejtues%20te%20Salillari%20shpk%2C%0D%0A%0D%0AMe%20kete%20email%20deshiroj%20te%20aplikoj%20per%20njoftimin%3A%0D%0ATirane%2C%20ofrohen%20vende%20pune%20MENAXHER%20FINANCE%20%E2%80%93%20PROJEKT%20KONCESIONAR%20P%C3%8BR%20ND%C3%8BRTIMIN%20E%20TERMINALIT%20PORTUAL%20-%20VLOR%C3%8B%0D%0Ahttps%3A%2F%2Fwww.njoftime.com%2Fthreads%2Ftirane-ofrohen-vende-pune-menaxher-finance-%25E2%2580%2593-projekt-koncesionar-p%25C3%258Br-nd%25C3%258Brtimin-e-terminalit-portual-vlor%25C3%258B.1329919%2F%0D%0A%0D%0ANr.%20Tel.%3A%0D%0ABashkangjitur%20CV%0D%0A%0D%0AFaleminderit%21">hr@salillari.al, ose të kontaktojnë për çdo informacion në numrin e telefonit: +355 69 408 30 30.
* Vetëm kandidatët e përzgjedhur do të kontaktohen.
* Kompania “SALILLARI shpk” merr përsipër që të dhënat e kandidatëve të trajtohen në konfidencialitet të plotë.