Kompania UNIVERS Reklama sh.p.k e cila operon në tregun e imazherisë dhe prodhimit publicitar për ambjente të brendshme dhe të jashtme prej vitit 2001 në tregun vendas dhe të huaj shpall pozicionin vakant “Specialist/e për Marketing“ si pjesë e struktures së saj për zhvillim të metejshëm në suport të rritjes së gamës së produkteve dhe fushes se veprimit si pasojë e zhvillimit të teknologjisë që ajo ka investuar. Ky pozicion ka specifikat dhe kërkesat e mëposhtme:
Qëllimi i këtij Pozicioni:
Përmbushjen e objektivave të shitjes dhe marketingut nëpërmjet promovimit dhe përcjelljes së produkteve/shërbimeve të shoqërisë.
Përgjegjësitë / Përshkrimi i Vendit të Punës:
- Zhvillon, vë në zbatim dhe ndjek me tej planin dhe programin e Marketing, si nëpërmjet rrjeteve sociale, fushatave dixhitale, eventeve dhe e-maileve;
- Në bashkëpunim me strukturat e brendshme të shoqërisë ndërton dhe propozon strategji dhe veprimtari të marketing;
- Analizon dhe raporton mbi rezultatet e fushatave, aktiviteteve të marketing, postimeve dhe publikimeve nëpërmjet rrjeteve sociale;
- Harton dhe ideon prezantime mbi shoqërinë, produktet, projekte apo risi që kanë të bëjnë me veprimtarinë e shoqërisë; përpilon dhe ndjek prodhimin e broshurave, fletëpalosjeve, videove promocionale, fotove, etj;
- Kryen foto te punimeve që prej fazës së prodhimit e deri në finalizimin e porosive, si në repart dhe në terren, si evidenca dhe bazë të dhenash për postimet në rrjetet dixhitale;
- Koordinon dhe mban lidhjet me median, rrjetet sociale, individë apo organizata të tjera, nëpërmjet e-mailit apo telefonit dhe rrugët e zgjedhura prej tij;
- Organizon evente, si: ekspozita, panaire, etj;
- Mirëmban dhe përditëson informacionin e faqes së internetit të shoqërisë, rrjeteve sociale, etj;
- Shqyrton dhe paraqet kërkesën për mundësi për sponsorizim apo pjesëmarrje në evente që i shërbejnë njohjes dhe reputacionit të shoqërisë;
Kryen studime tregu me qëllim orientimin e politikave të Marketing dhe shitjeve;
Kualifikimet Kryesore:
- Diplomë Universitare në degët: Shkenca Komunikimi, Media, Administrim biznesi, Marketing.
- Aftësi të shkëlqyera komunikuese (folur dhe shkruar), krijuese dhe analitike;
- Njohuri në përdorimin e mjeteve dhe aplikacioneve të marketing, si Google Analytics, Marketo, CRM;
- Të ndërtojë përmbajtje dhe i/e orienuar ndaj detajeve;
- Me vullnet, kompetencë, dhe dëshirë për të mësuar;
- Aftësi të shklëqyera në menaxhimin e kohës dhe percaktimin e perparësive;
- Aftësi për të punuar nën trysni;
- Krijues, energjik dhe me iniciativë;
- Aftësi të spikatura për të punuar në grup;
- I/e familjarizuar (aftësi familjarizimi) me industrinë e reklamave dhe situatën aktuale të tregut.
Shënime
Aplikantët te cilët kanë një eksperiencë të gjerë në këtë fushë, të dërgojnë me email me subjekt EMËR MBIEMËR/ MARKETING, CV e tyre sa më parë në adresën: hr@universreklama.com.
Aplikimet që përmbushin kriteret e vendosura do të jenë të vetmet që do kontaktohen,
Departamenti i Burimeve Njerëzore
Univers Reklama sh.p.k Mbikalimi i Ri i Rinasit,
Qafë Kashar, Tiranë.