Supermarketi BioJu, pjesë e Grupit Kadiu, është i vetmi supermarket në Shqipëri i fokusuar në tregëtimin e produkteve Bio te çertifikuara nga vendet e origjinës në Europën Perëndimore.
Cilësia për ne nënkupton në radhë të parë shëndetin dhe sigurinë e konsumatorëve tanë, sikurse përmbushjen e përgjegjësive sociale dhe mjedisore në të gjithë zinxhirin e prodhimit dhe furnizimit.
Për punonjësit tanë, ne jemi një punëdhënës i përgjegjshëm dhe i konsoliduar. Për partnerët tane ne jemi një partner korrekt dhe i ndershëm në biznes.
Aktualisht kompania jonë në rritje, po kërkon të punësojë punonjës në pozicionin e Sistemuesit/es në market.
Përgjegjësitë e pozicionit:
- Kujdeset për mirëmbajtjen e produkteve dhe mirëorganizim e tyre;
- Bën sistemimin e mallit nëpër rafte apo frigoriferë;
- Kujdeset që çdo artikull i raftit të jetë i pajisur me çmimin përkatës;
- Kontrollon produktet e rafteve për skadencat dhe i raporton ato tek përgjegjësi, menaxheri apo financieri;
- Kontrollon, evidenton dhe vendos përkthimet në shqip të produkteve që nuk e kanë atë;
- Mban pastër marketin, frigoriferët dhe raftet;
- Asiston klientet ne proçesin e blerjes me çfare ata kane nevoje;
- Mban shënim kërkesat e paplotësuara të klientëve dhe ve ne dijeni menaxherin per to;
- Ndihmon ne ngarkimin dhe shkarkimin e produkteve;
- Njeh produktet dhe i promovon ato tek klienti;
- Detyra të tjera të caktuara nga eprori përkatës.
Kriteret dhe aftësitë e kërkuara:
- Minimumi 1 vit eksperiencë të mëparshme në këtë pozicion;
- Të ketë mbaruar arsimin e mesëm, arsimi i lartë përbën avantazh;
- Mosha nga 25 deri në 40 vjeç
Kandidatët e interesuar mund të dërgojnë një CV në adresën e emailit: hr@bioju.al brenda datës 10.10.2021.
*Të gjitha aplikimet do të trajtohen me konfidencialitet të plotë sipas ligjit Nr 9887 vendosur nga Kuvendi i Shqipërisë për “Mbrojtjen e të Dhënave Personale”.
