Punësohu në WELL: Asistent Shitës dhe Zëvendës Menaxher 60 views

Shoqëria WELL sh.p.k., pjesë e Alkos Group Albania, për shkak të zgjerimit të rrjetit të tij drugstore, kërkon të punësojë për qytetin e Tiranës, staf në pozicionet:
– Staf Shitës
– Përgjegjës Turni & Zëvendës Menaxher

KONKRETISHT

1. Asistent Shitës Full – Time, te cilët kryejnë njëherësh funksionet e punës kasier, sistemues dhe shërbim klienti.
2. Zëvendës Menaxher dhe Përgjegjës Turni (F/M) – janë përgjegjës për menaxhimin e përditshëm të dyqanit dhe zbatimin e detyrave të ngarkuara nga Menaxheri i dyqanit për mbarëvajtjen e aktivitetit në mungesë të tij

PËRSHKRIMI I ROLIT:

ZËVENDËS/E MENAXHER/E I/E DYQANIT ËSHTË PËRGJEGJËS PËR:

• Mbështetjen dhe asistimin e Menaxherit të Dyqanit në drejtimin e përditshëm të operacioneve dhe sigurimin e arritjes së objektivave të shitjes dhe kënaqësisë së klientëve;
• Zbatimin e detyrave të ngarkuara nga Menaxheri i dyqanit dhe mbarëvajtjen e aktivitetit në mungesë të tij;

DETYRAT DHE PËRGJEGJËSITË KRYESORE:

• Mbështet dhe asiston Menaxherin e Dyqanit në operacionet ditore dhe menaxhimin e stafit;
• Ndjek dhe komunikon detyrat e veçanta të stafit në mungesë të menaxherit;
• Ёshtë përgjegjës për mbarëvajtjen e aktivitetit gjatë turnit të tij;
• Mirëmban planogramat dhe realizon porosinë e dyqanit;
• Mbikëqyr menaxhimin e stokut dhe funksionimin e përgjithshëm të dyqanit;
• Menaxhon, motivon dhe zhvillon ekipin e dyqanit;
• Trajton kërkesat dhe ankesat e klientëve në mënyrë efektive;
• Ruajtjen e standardeve të larta të prezantimit të dyqanit;
• Menaxhimi i skadencave dhe dëmtimeve;
• Drejton ekipin përmes shembullit personal.

ASISTENTI I SHITJES ËSHTË PËRGJEGJËS PËR:

• Mbështetjen e funksionimit të përditshëm të dyqanit;
• Shërbimin e klientit, mirëmbajtjen e pastërtisë dhe prezantimit të dyqanit;
• Sigurimin e një ecurie të qetë të punës përmes bashkëpunimit me kolegët;
• Kryerjen e proçeseve të tjera operacionale në dyqan;

DETYRAT DHE PËRGJEGJËSITË KRYESORE

• Ofron shërbim klienti cilësor dhe asiston klientët në gjetjen e produkteve apo edhe në çdo kërkesë të tyre për blerje;
• Punon në kasë dhe proçeson pagesat me saktësi (cash, pos), si dhe kryen çdo detyrë tjetër të nevojshme në dyqan;
• Sistemon dhe rimbush raftet, kujdeset që paraqitja e produkteve të jetë implementuar sipas planogramave;
• Kujdeset për prezantimin e dyqanit, rregullin, pastërtinë dhe organizimin e tij në përputhje me udhëzimet e menaxherit;
• Mbështet kolegët e tjerë të ekipit apo departamente të ndryshme, sipas nevojës.
• Zbaton proçedurat e sigurisë dhe të mbrojtjes në punë;
• Detyra të tjera sipas rastit, në përputhje me pozicionin e punës.

KUALIFIKIME

• Edukimi: Arsimi i lartë (preferohet profili Ekonomik/Administrim Biznes);
• Eksperiencat e punës: Minimum 2 vite përvoje pune në pozicion të ngjashëm;
• Njohuri shumë të mira të paketës Office (Word, Excel);
• Metodik dhe i organizuar;
• Ndershmëri dhe integritet;
• Punë me 2 turne, fleksibilitet për t’u përshtatur me orarin;
• Qasje e orientuar drejt shërbimit ndaj klientit;
• Njohuri të mira në teknikat e shitjes dhe në delegimin e detyrave;

SHËNIME
Ne ofrojmë:

• Pagë motivuese;
• Atmosferë miqësore dhe dinamike;
• Kontratë të rregullt pune (40 orë pune në javë);
• Vlerësim sipas performancës.

Të gjithë aplikimet do të trajtohen me konfidencialitet të lartë sipas Ligjit Nr. 124/2024 vendosur nga Kuvendi i Shqipërisë për “Mbrojtjen e të Dhënave Personale” GDPR