Inxhinier QA/QC 16 views

Kompania Balfin Construction (ish Mane TCI), pjesë e Grupit BALFIN, është lider në ndërtim dhe investim të projekteve zhvilluese, në Shqipëri dhe rajon. E themeluar në vitin 2001 Balfin Construction është e specializuar në fushën e ndërtimeve civile dhe industriale, si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Grupi BALFIN është një nga grupet e investimeve më të suksesshme në Ballkanin Perëndimor. I themeluar në vitin 1993, sot Grupi operon në Austri, Shqipëri, Kosovë, Bosnje dhe Hercegovinë, Kroaci, Maqedoninë e Veriut, Zvicër, Mal të Zi, Holandë, Kanada dhe Shtetet e Bashkuara të Amerikës. Portofoli i tij i diversifikuar përfshin disa sektorë, përfshirë bankat, zhvillimin e pasurive të paluajtshme, tregtinë me shumicë dhe pakicë, menaxhimin e aseteve, turizmin, logjistikën, arsimin dhe argëtimin.

Me rreth 5,500 profesionistë të punësuar, BALFIN Group vazhdon të rritet në mënyrë të qëndrueshme, i udhëhequr nga etika e fortë e biznesit, stabiliteti financiar, inovacioni dhe angazhimi afatgjatë për ndikim pozitiv në komunitet përmes Mane Foundation.

 Pozicioni:          Inxhinier i Sigurimit dhe Kontrollit të Cilësisë (QA/QC)

Departamenti:   Monitorim Cilësie, HSE QA/QC

Vendndodhja:    Tiranë

Përmbledhja e Pozicionit: Inxhinieri QA/QC është përgjegjës për monitorimin dhe kontrollin e zbatimit të kërkesave të cilësisë në projektet e ndërtimit, në përputhje me specifikimet teknike, projektin, standardet e aplikueshme dhe procedurat e kompanisë.

Ndjek kontrollin e materialeve dhe punimeve, inspektimet dhe testimet laboratorike, menaxhimin e devijimeve/NCR-ve dhe dokumentacionin përkatës të cilësisë.

Detyrat dhe Përgjegjësitë Kryesore:

• Të monitorojë zbatimin e procedurave dhe kërkesave të sistemit të menaxhimit të cilësisë.
• Të ndjekë zbatimin e Planit të Inspektimeve dhe Testimeve (ITP-ve), metodat dhe procedurat e zbatimit të punimeve, listat e kontrollit, procedurat e sigurimit dhe kontrollit të cilësisë.
• Të kryejë inspektime të punimeve në kantier dhe të verifikojë përputhshmërinë me projektin, specifikimet teknike dhe standardet e aplikueshme.
• Të verifikojë dokumentacionin teknik të materialeve përfshirë certifikata, deklaratat e konformitetit, certifikata e Testimit të Materialit (MTC) , raporte testimi, aprovime materialesh etj.
• Të evidentojë devijimet dhe jokonformitetet, të hartojë/ndjekë raportin e mospërputhjes (NCR-të) dhe masat korrigjuese deri në mbylljen e tyre.
• Të koordinojë me laboratorët e jashtëm testimet dhe kontrollet e kërkuara.
• Të përgatisë dhe mirëmbajë dokumentacionin QA/QC dhe dosjen e cilësisë për projektet.
• Të mbështesë ekipet e kantierit dhe nënkontraktorët në zgjidhjen e problematikave të cilësisë.
• Të përgatisë raportime periodike mbi aktivitetet dhe kontrollet e cilësisë.

Edukimi: Të zotërojë diplomë universitare, dega Inxhinieri Ndërtimi/ Inxhinieri Materialesh.

 Kërkesat e pozicionit:

• Të ketë të paktën 3 vite eksperiencë profesionale në QA/QC, preferohet eksperiencë në sektorin e ndërtimit.
• Të ketë njohuri të standardeve dhe specifikimeve teknike të aplikueshme në ndërtim.
• Të ketë njohuri mbi planet e inspektimit dhe testimit (ITP), kërkesat për inspektimin e materialeve (MIR) dhe kërkesat për inspektimin e punimeve (WIR), raportet e mospërputhjes (NCR), metodat e zbatimit të punimeve, miratimin e materialeve dhe testimet laboratorike.
• Të ketë aftësi në leximin dhe interpretimin e projekteve dhe specifikimeve teknike.
• Të ketë aftësi analizimi dhe interpretimi të rezultateve laboratorike.
• Të ketë njohuri të sistemit të menaxhimit të cilësisë ISO 9001.
• Çertifikime/ trajnime në QA/QC, ISO 9001 ose auditim të brendshëm përbëjnë avantazh.
• Të ketë njohuri shumë të mira të gjuhës angleze, në të folur dhe në të shkruar
• Të ketë njohuri të mira komunikimi, organizimi dhe raportimi.
• Njohuri shumë të mira të Microsoft Office.

Çfarë Ofrojmë:

• Paketë tërheqëse përfitimesh, duke përfshirë pagë konkurruese dhe të drejtë, bazuar në meritë dhe vlerësimin e performancës.
• Mundësi të shkëlqyera për zhvillimin profesional dhe rritjen në karrierë pranë BALFIN Construction dhe BALFIN Group.
• Ditë shtesë pushimi.
• Shpërblime dhe vlerësime për performancën.

Mënyra e aplikimit:

Të gjithë të interesuarit mund të aplikojnë duke dërguar CV-në e tyre në LINK brenda datës 03 Nëntor 2026.

*Pas përfundimit të procesit të përzgjedhjes, do të njoftohen vetëm kandidatët e kualifikuar.

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.