Përshkrimi
AGIKONS sh.p.k është një nga kompanitë lider në fushën e ndërtimit në Shqipëri, e cila dallohet për standardet dhe cilësinë e punimeve me çmimet më konkuruese në treg. Themeluar që në vitin 1996, Agikons ka krijuar dhe zbatuar shumë projekte të suksesshme si: Kodra e Diellit 1&2 (Tiranë), ”Marea Resort” (Kavajë), “Tarraca e Ullijve” (Dhërmi), “Plazhi i Gurtë” (Qeparo), “Bougainville Bay” (Sarandë) si edhe “Meshtekna” Brezovice. Kompania kerkon te zgjeroje stafin e saj ne pozicionin: Inxhinier/e Kostoist
Inxhinier/e Kostoist do të duhet të marrë përsipër përgjegjësinë për hartimin dhe rivleresimin e preventivave, analizave teknike dhe zërave të rinj të punës, analizat e çmimeve, përgatitjen e dokumentacionit Tekniko-Ligjor dhe Financiar sipas afateve të përcaktuara nga projekti.
Detyrat
- Përgatit Situacionet mujore, librezat e masave, analizë të çmimeve duke përfshirë kontrollet e situacioneve të nënkontraktorëve dhe përgatitjen e situacionit përmbledhës për objektet.
- Realizon rakordimet mujore me Departamentin e Financës për inventarët, gjendjen në magazinë dhe shkarkimin e materialeve.
- Përpilon dhe harton preventiva me çmimet përkatëse për zëra të punimeve që kryen vetë kompania apo që vijnë nga studiot e projektimit.
- Ndjekjen e kostos në mënyre periodike gjatë fazës së ndërtimit të objekteve, së bashku me Manaxherin e Projektit, Përgjegjësin Teknik dhe Inxhinierin e Kantierit.
- Raportimin e kostove të objekteve tek Manaxheri i Projektit, Drejtori i Departamentit të Menaxhimit dhe të Financës.
- Rishikim i analizave teknike dhe manualit të çmimeve sipas tregut dhe publikimeve zyrtare.
- Rishikim periodik i legjislacionit dhe botimeve në Fletoren zyrtare, në lidhje me çështjet e kostove të ndërtimit dhe procedurave të kontrollit tatimor.
- Kontrollon çmimet e dhëna nga kontraktorët dhe nën-kontraktorët duke raportuar tek Manaxheri i Projektit për të ndihmuar në negocimet e ndryshme që do të bëhen për fiksimin e çmimeve në preventivë.
- Kontribuon në përgatitjen buxhetit mujor dhe Cash Flow të përcaktuar për objektin.
- Informohet për raportet mujore të inventarizimit të materialeve.
Kualifikimet
- Diplomë në Fakultetin e Inxhinierisë së Ndërtimit.
- Përvojë pune mbi 5 vjet në përllogaritje kostoje dhe preventim.
- Të zotërojë mirë Paketën Office.
- Të ketë njohuri të mira të gjuhës Angleze.
- Të ketë aftësi shumë të mira komunikuese dhe menaxheriale.
- Të ketë njohuri shumë të mira në leximin dhe zbatimin e projekteve.
Shënime
Aplikantët e interesuar mund të dërgojnë CV-të e tyre në adresën email: hr@agikons.com. Kontakt: 068 40 52 085
Adresa: Blloku Rezidencial “Kodra e Diellit”, Selita, Tirane.
More Information
- Rruga/Zona Blloku Rezidencial "Kodra e Diellit", Selita, Tirane
- Tel/Mob Nr kontakti:+355 684052085
- Experience Level me eksperience