ACREM është pjesë e BALFIN Group e specializuar në ofrimin e menaxhimit të pasurive të paluajtshme. ACREM është kompania menaxhuuese e Qendrave tregtare TEG dhe QTU, si dhe TLP, Rolling Hills, dhe Ambasador 3. Me një rrjet profesionistësh ACREM, ofron një paketë të gjërë shërbimesh si: Konsulencë Financiare, Marketing, Qiradhënie dhe Administrim.
Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë e Veriut, Mal të Zi, Zvicër, Kroaci dhe Holandë, me afërsisht 5,200 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me shumicë dhe pakicë, sistemin bankar, menaxhimin e aseteve, mediat dhe logjistikën. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.
Pozicioni: Teknik Hidraulik
Departmenti: Mirëmbajtje Teknike
Vendodhja: QTU
Përshkrim i Pozicionit të Punës
Tekniku Hidraulik në Departamentin Teknik në Qëndër Tregtare është përgjegjes për kryerjen e instalimeve, mirëmbajtje & riparime të ndryshme të sistemit hidraulik të qëndres në tërësi si dhe njësive të veçanta (dyqaneve) dhe zyrave.
Detyrat dhe përgjegjësitë
- Mirëmbajtja e sistemit të furnizimit me ujë sanitar.
- Mirëmbajta e sistemit të furnizimit me ujë nga puset.
- Mirëmbajtja e sistemit të impiantit të trajtimit të ujit.
- Mirëmbajtja e sistemit sprinkler dhe hidrant.
- Mirëmbajtja e sistemit të paneleve diellore.
- Mirëmbajtja sistemit të kanalizimeve të ujrave të zeza dhe ujra shiu.
- Mirëmbajtja e pajisjeve dhe aksesoreve hidrosanitare.
- Mirëmbajtja e sistemit të vaditjes.
- Mirëmbajtja e sistemit hidraulik të kondicionimit.
- Të kontrollojë nivelin e ujit në depozitat për përdorim të brëndshëm dhe depozitat e sistemit sprinkler.
- Të kontrollojë gropën septike, ndarësin e papastertive, pusetat dhe sifonet e lavamaneve.
- Të kontrollojë nivelin e zbutesit të ujit dhe të hëdhë kripë nese duhet.
- Të kontrollojë dhomën e pompave për ndonjë anomali.
- Të kontrollojë filtrat e ujit në sistemin e pompave dhe të bëj pastrimin apo ndërrimin sipas nevojave.
- Ti përgjigjet thirrjeve për difekte dhe të ndërmarrë hapat e nevojshëm, si dhe ti raportojë eprorit nëse është e nevojshme.
- Kryerja e detyrave te tjera sipas nevojave te qendres apo njesive te vecanta te cilat ngarkohen nga menaxheri apo supervizoret perkates
Kërkesat e pozicionit të punës:
- Edukimi:
– Preferohet Shkollë Teknike Profesionale ose Kurs kualifikimi në profil
- Eksperiencat e punës:
- Rreth 4-5 vjet në të njëjtin profil,
- Kualifikime të tjera:
- Njohuri mbi Sistemet Hidraulike
- Njohuri mbi sistemet e Zjarrit
- Njohuri mbi sistemet Hidrant
- Njohuri mbi sistemet HVAC
- Kurs kualifikimi dhe çertifikate për punime hidraulike (përbën avantazh)
- Aftësi të tjera:
- Të ketë aftësi të mira të etikës dhe komunikimit;
- Të ketë aftësi të mira organizative dhe të bashkëpunimit në grup;
- Të jetë person energjik dhe me vetëmotivim të lartë në punë;
- Të ketë aftësi shumë të mira ndërpersonale.
Kushtet e Punës: BALFIN Group ofron një paketë tërheqëse përfitimesh, duke përfshirë një shpërblim të drejtë në vlerësimin e meritës dhe performances
Mënyra e aplikimit*:
Për të aplikuar për këtë pozicion, ju lutem dorëzoni dokumentet e mëposhtme:
- CV;
nëpërmjet njërës nga mënyrat si në vijim:
- Me e-mail: hr@acrem.al
- Duke dërguar me postë ose aplikim i drejtëperdrejtë në adresën e mëposhtme:
“Qendra Tregtare TEG, Rruga Nacionale Tiranë-Elbasan, Farkë, Lundër, Tiranë, Shqipëri”
Afati i dorëzimit: deri në datë 24/08/2023.
*Të gjitha aplikimet do të trajtohen me konfidencialitet të plotë sipas ligjit Nr 9887 vendosur nga Kuvendi i Shqipërisë për “Mbrojtjen e të Dhënave Personale”.
More Information
- Rruga/Zona QTU
- Experience Level me eksperience
