Inxhinier Zyre 8 views

Kompania Balfin Construction (ish Mane TCI), pjesë e Grupit BALFIN, është lider në ndërtim dhe investim të projekteve zhvilluese, në Shqipëri dhe rajon. E themeluar në vitin 2001. Balfin Construction është e specializuar në fushën e ndërtimeve civile dhe industriale, si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Grupi BALFIN është një nga grupet e investimeve më të suksesshme në Ballkanin Perëndimor. I themeluar në vitin 1993, sot Grupi operon në Austri, Shqipëri, Kosovë, Bosnje dhe Hercegovinë, Kroaci, Maqedoninë e Veriut, Zvicër, Mal të Zi, Holandë, Kanada dhe Shtetet e Bashkuara të Amerikës. Portofoli i tij i diversifikuar përfshin disa sektorë, përfshirë bankat, zhvillimin e pasurive të paluajtshme, tregtinë me shumicë dhe pakicë, menaxhimin e aseteve, turizmin, logjistikën, arsimin dhe argëtimin.

Me rreth 5,500 profesionistë të punësuar, BALFIN Group vazhdon të rritet në mënyrë të qëndrueshme, i udhëhequr nga etika e fortë e biznesit, stabiliteti financiar, inovacioni dhe angazhimi afatgjatë për ndikim pozitiv në komunitet përmes Mane Foundation.

Përmbledhja e Pozicionit: Inxhinieri i zyrës është përgjegjës për përgatitjen e raporteve të ndryshme mbi ecurinë dhe progresin e punimeve, organizimin dhe administrimin e dokumentacionit të projektit, si dhe mbështetjen në shqyrtimin dhe përgatitjen e situacioneve të punimeve.

Detyrat dhe Përgjegjësitë Kryesore:

• Mban korrespondencën me inxhinierët e kantierit dhe dokumenton informacionin dhe përditësimet me shkrim, në përputhje me fazat e ndryshme të realizimit të punimeve;
• Përgatit raportet ditore të punimeve dhe siguron raportim të rregullt tek Drejtuesi i Kantierit, inxhinierët e kantierit dhe inxhinierët e tjerë të angazhuar në projekt;
• Mbështet përgatitjen e situacioneve mujore të punimeve, duke pasqyruar punimet totale dhe progresive të realizuara në kantier nga secili nënkontraktor;
• Përgjigjet për katalogimin, standardizimin dhe arkivimin e dokumentacionit teknik dhe ligjor të lidhur me kantierin;
• Siguron organizimin dhe standardizimin e duhur të të gjithë informacionit dhe dokumentacionit të projektit dhe kantierit në SharePoint;
• Mban një regjistër të vazhdueshëm të historikut të projektit dhe dokumenton procesverbalet e mbledhjeve, vendimet dhe veprimet e dakordësuara;
• Mbështet përgatitjen dhe sistemimin e dokumentacionit teknik dhe ligjor të projektit, nga fazat fillestare deri në kolaudimin/vënien në funksionim të projektit dhe përfundimin e dokumentacionit teknik dhe financiar;
• Mbështet përgatitjen e dokumentacionit të kërkuar nga institucionet shtetërore dhe ndjek komunikimin me institucionet përkatëse, sipas kërkesës së Zyrës Qëndrore dhe Drejtuesit të Kantierit;
• Kryen detyra të tjera administrative që lidhen me dokumentacionin dhe organizimin e informacionit teknik të marrë nga inxhinierët;
• Me kërkesë të Drejtuesit të Kantierit, mbështet shqyrtimin e vizatimeve të projektit, nxjerr informacionin teknik specifik të nevojshëm dhe kryen verifikime në kantier, në përputhje me kërkesat e proceseve të punës;
• Kryen detyra dhe përgjegjësi të tjera, sipas kërkesës së Drejtuesit të Kantierit.

Kërkesat e pozicionit:

• Të zotërojë diplomë universitare në Inxhinieri Ndërtimi;
• Aftësi dhe kompetenca të forta teknike, të përshtatshme për kërkesat e pozicionit;
• Aftësi të shkëlqyera në kontrollin, organizimin dhe raportimin e informacionit dhe dokumentacionit;
• Gatishmëri dhe aftësi për të zbatuar ide, procese dhe mënyra të reja pune;
• Aftësi të mira komunikimi, me shkrim dhe me gojë;
• Njohuri të mira të Microsoft Office, AutoCAD dhe programeve të tjera relevante për pozicionin.

Çfarë Ofrojmë: 

• Paketë tërheqëse përfitimesh, duke përfshirë pagë konkurruese dhe të drejtë, bazuar në meritë dhe vlerësimin e performancës.
• Mundësi të shkëlqyera për zhvillimin profesional dhe rritjen në karrierë pranë BALFIN Construction dhe BALFIN Group.
• Ditë shtesë pushimi.
• Shpërblime dhe vlerësime për performancën.

Mënyra e aplikimit: Të gjithë të interesuarit mund të aplikojnë duke dërguar CV-në e tyre në link. Afati i dorëzimit:  20.09.2026

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.

Pas përfundimit të procesit të përzgjedhjes, do të njoftohen vetëm kandidatët e kualifikuar.