Inxhinier Civil 6 views

Kompania Balfin Construction (ish Mane TCI), pjesë e Grupit BALFIN, është lider në ndërtim dhe investim të projekteve zhvilluese, në Shqipëri dhe rajon. E themeluar në vitin 2001. Balfin Construction është e specializuar në fushën e ndërtimeve civile dhe industriale, si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Grupi BALFIN është një nga grupet e investimeve më të suksesshme në Ballkanin Perëndimor. I themeluar në vitin 1993, sot Grupi operon në Austri, Shqipëri, Kosovë, Bosnje dhe Hercegovinë, Kroaci, Maqedoninë e Veriut, Zvicër, Mal të Zi, Holandë, Kanada dhe Shtetet e Bashkuara të Amerikës. Portofoli i tij i diversifikuar përfshin disa sektorë, përfshirë bankat, zhvillimin e pasurive të paluajtshme, tregtinë me shumicë dhe pakicë, menaxhimin e aseteve, turizmin, logjistikën, arsimin dhe argëtimin.

Me rreth 5,500 profesionistë të punësuar, BALFIN Group vazhdon të rritet në mënyrë të qëndrueshme, i udhëhequr nga etika e fortë e biznesit, stabiliteti financiar, inovacioni dhe angazhimi afatgjatë për ndikim pozitiv në komunitet përmes Mane Foundation.

Përmbledhja e Pozicionit: Inxhinieri Civil zbaton direktivat e Drejtuesit të Kantierit dhe mbikëqyr realizimin e punimeve në përputhje me projektin, specifikimet teknike, KTZ-të, legjislacionin në fuqi, si dhe kërkesat për shëndetin dhe sigurinë në punë.

Detyrat dhe Përgjegjësitë Kryesore:

• Verifikon përputhshmërinë e projektit dhe detajet teknike, duke identifikuar mospërputhjet ndërmjet projekteve arkitektonike, konstruktive, KUZ dhe KUB, si dhe infrastrukturës inxhinierike nëntokësore. Shqyrton detajet dhe propozon zgjidhje teknike për zbatimin e tyre, përfshirë detajimin konstruktiv dhe arkitektonik të elementeve të ndryshme;
• Hartojnë dhe monitoron grafikun e punimeve, në përputhje me projektin dhe planin organizativ;
• Përgatit dhe verifikon të gjithë dokumentacionin tekniko-ligjor në kantier, përfshirë procesverbalet, librezat e masave, raportet e progresit të punimeve, dokumentacionin e piketimit dhe procesverbalet e inspektimeve, etj.;
• Monitoron cilësinë dhe çështjet e sigurisë në kantier, duke siguruar zbatimin e të gjitha kërkesave në përputhje me standardet e menaxhimit QA/QC dhe HSE, si dhe rregullat dhe kërkesat ligjore në fuqi;
• Mbikëqyr nënkontraktorët dhe merr masat e nevojshme për garantimin e përmbushjes së kërkesave ligjore dhe teknike për sigurinë në kantier;
• Monitoron cilësinë e lëndëve të para dhe materialeve të sjella në kantier nga furnitorët e ndryshëm;
• Miraton materialet për përdorim në kantier, në përputhje me kërkesat dhe specifikimet e projektit;
• Siguron që zbatimi i punimeve të jetë në përputhje me politikën e menaxhimit të cilësisë së Kompanisë;
• Kryen pranimin e punimeve të përfunduara dhe inspektime periodike për verifikimin e cilësisë dhe përputhshmërisë së tyre;
• Përgatit listat e mangësive (Snag List) dhe evidenton punimet me defekte ose të papërfunduara, si pjesë e procesit të kolaudimit dhe vënies në funksionim;
• Siguron zbatimin rigoroz të marrëveshjeve dhe kontratave me kontraktorët.
• Siguron respektimin rigoroz të rregulloreve teknike dhe politikave të Kompanisë për kodin e veshjes;
• Përgatit dosjet e cilësisë për materiale specifike të importuara, të cilat nuk mund të analizohen në laboratorët e Kompanisë;
• Siguron zbatimin cilësor të proceseve të ndryshme teknologjike gjatë realizimit të punimeve;
• Organizon dhe koordinon stafin në varësi, përfshirë teknikët, përgjegjësit e punimeve, hidraulikët, elektricistët dhe topografët, për aktivitetet në kantier;
• Mbikëqyr realizimin e punimeve, planifikon frontet e punës për proceset dhe kontraktorët e ndryshëm dhe koordinon grafikun e punimeve ndërmjet kontraktorëve në rastet kur aktivitetet e tyre mbivendosen në faza të caktuara;
• Identifikon nevojat për materiale dhe siguron administrimin e tyre të përshtatshëm, si dhe administrimin efektiv të makinerive dhe fuqisë punëtore;
• Përgatit raporte ditore dhe javore mbi problematikat, ecurinë dhe progresin e projektit;
• Kryen kontroll periodik të kostove, në përputhje me buxhetin e miratuar.
• Identifikon, planifikon dhe llogarit volumet e punimeve të parashikuara në buxhet, si dhe volumet e punimeve të reja ose të paparashikuara;

Kërkesat e pozicionit:

• Të zotërojë diplomë universitare në Inxhinieri Ndërtimi;
• Të paktën 5 vite eksperiencë pune në punime ndërtimore;
• Aftësi për të lexuar, kuptuar dhe interpretuar projektet MEP, si dhe për të koordinuar punimet me disiplinat përkatëse;
• Aftësi për të lexuar, analizuar dhe interpretuar projektet, korrespondencën e biznesit, kontratat, procedurat dhe manualet teknike;
• Aftësi për të menaxhuar projekte dhe kontrata të ndryshme specifike, të lidhura me projektet e ndërtimit;
• Aftësi për të paraqitur në mënyrë efektive problematikat, si dhe aftësi të shkëlqyera të komunikimit verbal dhe të shkruar dhe të përgatitjes së raporteve;
• Njohuri të mira mbi parimet dhe praktikat e përdorimit të programeve kompjuterike, veçanërisht AutoCAD, Excel, MS Project, Revit, etj.

 Çfarë Ofrojmë:

• Paketë tërheqëse përfitimesh, duke përfshirë pagë konkurruese dhe të drejtë, bazuar në meritë dhe vlerësimin e performancës.
• Mundësi të shkëlqyera për zhvillimin profesional dhe rritjen në karrierë pranë BALFIN Construction dhe BALFIN Group.
• Ditë shtesë pushimi.
• Shpërblime dhe vlerësime për performancën.

 Mënyra e aplikimit: Të gjithë të interesuarit mund të aplikojnë duke dërguar CV-në e tyre në link. Afati i dorëzimit:  25.09.2026

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.

Pas përfundimit të procesit të përzgjedhjes, do të njoftohen vetëm kandidatët e kualifikuar.